هنا القاهره الساحره الآسِره
الهادره الساهره الساتره السافره
هنا القاهره الزاهره العاطره
الشاعره النيّره الخيّره الطاهره
هنا القاهره الساخره القادره
الصابره المنذره الثائره الظافره
صدى الهمس في الزحمه و الشوشره
اسى الوحده في اللمه و النتوره
هنا الحب و الكدب و المنظره
نشا الغش في الوش و الافترا
هنا القرش و الرش و القش و السمسره
هنا الحب و الحق و الرحمه و المغفره
و انا ف قلب دوامتك الدايره بينا
بصرّخ بحبّك يا اجمل مدينه
يا ضحكه حزينه .. يا طايشه و رزينه
بحبّك و اعفّر جبيني في ترابك
و اعيش في رحابِك و اقف جنب بابك
جنايني اروي بالدم ورده شبابك
يا زينه جنينه حياتنا اللعينه
بحبّك يا بنت اللذين
بحبّك