على شارع الحله وانـا اراقـب الفلـه
عرض لي عساه الخير من ياسم العرقات
على كبدي اللي تجحـد الغيـظ والعلـه
كواني وخلاني عليـه اجـذب الونـات
تقبل مغيب الشمس يمشـي علـى ظلـه
ضحى والضحيه منه انا طحت بالمثنات
حدث بي عقب مااقفيـت يافاتنـي خلـه
الاواعذابـي منـك ياشمعـة الزينـات
انا اللي عيوني تزعـج الدمـع وتهلـه
جرح خدها اللي حدها تزعج العبـرات
غزال تغطرس بالحلـى والغـلا كلـه
يسوق المنايا سـوق ويتابـع الغـارات
تجزل بها اللـي بالحلـى محسـن دلـه
عذاب العيون عيونه اللي كما الساعـات
الى اقبل يداني خطـوة الرجـل ويتلـه
اقول الحياة اللـي بقـت مالهـا لـذات
اقولـه وانـا ياغافـر الذنـب والزلـه
ليال الشتاجزرتهـا هاجـس واسكـات
احسب نجوم الليل واسهر علـى الدلـه
فريد وحيد شاب راسي مـن اللوعـات
الاياهني من ناعـم العـود مصـخ لـه
ارفه على نفس طنت من زمـان فـات
ورى ماتعاملني علـى الديـن والملـه
حرام عليك ان مت مقهور مع من مـات