كل ما أدلّع ريم واقول ريموه
تزعل علي وتقول يا ناس يا هوه
يا ناس انا اسمي ريم واحلى من الريم
اخذوا وصوفي بس هالاسم خلّوه
هي ريم لكن تشبه البدر في الليل
والحسن فيها قال: يا عين يا ليل
تختال في خطوتها كنها خيل
والخيل ما توصل ربع وصف ريموه
لحد يفكر يوم ياخذ اسمها
لأنه بيعجز ما بيوصل رسمها
لو كان (بيكاسو) بلوحه رسمها
إن كان كل الناس في الكون حبوه
في قربي تلقى الحب وتعيش راحه
ولها وسط قلبي وعيني براحه
من بعد نكران الزمان وجراحه
ودي انسيها وش الناس سووه